HomeHome  CalendarCalendar  FAQFAQ  SearchSearch  RegisterRegister  Log in  
Forum visiter Counts

Forum Time

November 2017
MonTueWedThuFriSatSun
  12345
6789101112
13141516171819
20212223242526
27282930   
CalendarCalendar
Hmong flag
Duab Hmoob

Calculator

Embed Calculator requires a newer version of Adobe Flash Player.

You must have the current version of the adobe flash player to use this online calculator.

Latest topics
» Neeg Phem Tawm Tsam GVP radio Conference
Fri Nov 10, 2017 1:21 pm by tubzoonraug

» Welcome Hmong G VP
Mon Nov 06, 2017 10:28 pm by tubzoonraug

» Fresno open airshow
Sat Oct 14, 2017 5:48 pm by tubzoonraug

» Hmong Naxus music
Fri Oct 06, 2017 10:46 pm by tubzoonraug

» Hlub Nkaujkabxi
Sat Sep 30, 2017 1:45 pm by tubzoonraug

» Nyiaj ntxawg tsab zaj npau suav.
Fri Sep 22, 2017 7:04 pm by tubzoonraug

» Tham Dab Neeg(Sab Sij Huam) & Lwm Yam Experience Tau Nyeem Lom Zem.
Fri Sep 22, 2017 5:29 am by tubzoonraug

» tsis paub yuav mus nrog leej twg tham ua ntej.
Thu Sep 07, 2017 2:59 pm by tubzoonraug

» Tham txog kev tsi sib tos taub
Thu Sep 07, 2017 2:56 pm by tubzoonraug

Search
 
 

Display results as :
 
Rechercher Advanced Search

Post new topic   Reply to topicShare | 
 

 Tham Dab Neeg(Sab Sij Huam) & Lwm Yam Experience Tau Nyeem Lom Zem.

View previous topic View next topic Go down 
Go to page : 1, 2  Next
AuthorMessage
Nraug Huab Cua

avatar

Posts : 233
Points : 235
Reputation : 0
Join date : 2015-04-24

PostSubject: Tham Dab Neeg(Sab Sij Huam) & Lwm Yam Experience Tau Nyeem Lom Zem.   Wed May 11, 2016 3:08 am

Nkaujkabxi & Nco Koj Tag Li, kuv lam created lub topic no los rau peb tau tham dab neeg(sab sij huam) los sis Experience lwm yam tau nyeem kill time ua si os, yog neb muaj tej zaj zoo nyeem ua si no coj tuaj sau rau peb tau nyeem ua si os.


Ua Tsaug.


Last edited by Nraug Huab Cua on Wed May 11, 2016 5:24 am; edited 3 times in total
Back to top Go down
View user profile
Nraug Huab Cua

avatar

Posts : 233
Points : 235
Reputation : 0
Join date : 2015-04-24

PostSubject: Re: Tham Dab Neeg(Sab Sij Huam) & Lwm Yam Experience Tau Nyeem Lom Zem.   Wed May 11, 2016 3:35 am

Tsov Liab Los Txeeb Puav Ntawm Tes.




Xyoo 2002 thaum lub caij ntuj qhua 3 hli ntuj, kuv muaj 1 tug tij laug kwv tij hu ua Txam no, nws yog 1 tug neeg Xiam Oob Qhab puag thaum me los lawm, nws 1 sab tes thiab 1 sab taw me zog ces nws mus kev muaj ntsis ceg tawv, tab mas nws kuj tseem caum taus luag tej mus yos hav zoov thiab. Muaj 1 hmo lawv txawm sib yaum mus cuab Puav los haus Poov, thaum lawv mus txog tom lub Poov ces nyias txawm nce nyias sam thiaj mus cuab nyias Puav lawm. Lawv ua lub nyuag sam thiaj(ntaiv) siab txij taub hau ces nce mus zaum nrhab vas tais puav sauv. Txam txawm nce mus zaum sauv tais Puav, cuab Puav mas maub dub xwb thiab thaum yus tais tau Puav ces pheej muab cov niag Puav lov caj dab kom tuag ces Puav pheej quaj ntxij ntxej,  yawg nyuam qhuav mus zaum zoj tais tau li 5-6 tus Puav xwb, yawg txawm tais zoj tau 1 tug ntxiv yawg tooj zog lub vas los maub dub xuas xuas tau Puav muab puav lov dab no niag Puav pheej quaj, ces ua cas yawg txawm hnov nyhav zog ntawm yawg 2 sab hauv caug zoo li muaj 2 txhais tes tiag kiag yawg 2 lub hauv caug, yawg xav tias ntshe yog yawg 1 tug kwv tij hu ua Ntxheb uas lawv mus ua ke ntawv tais tsis tau Puav es lawv qab los nrog yawg tais saum yawg lub chaw xwb no ces yawg txawm hu lus ntxhi nrov tsawv tias Ntxheb Ntxheb no, cas tsis hnov teb li, ces yawg txawm cev loo tes mus xuas zoj tau yawg lub teeb nyem hauv hnab thoom uas yawg khuam ntawv los tsom saib no ua cas ntuj aw tib tug niag Tsov Liab ploog tab tom tsa tsa hau saib yawg tus puav saum lub vas, yawg tau 1 plhaw ces yawg thiaj nthe 1 niag maum suab nrov nrov ces niag Tsov ntawv cia li tuam yas nqis loo hauv qab sam thiaj lawm, lawv cov nyob ze ntawv mam hu nug yawg tias koj nthe dab tsi? yawg mam qhia tias yawg nthe Tsov no ces sawv daws mam sib tw los kab teeb nrhiav puag ncig ces thab niam pom li lawm.




Ua Tsaug.
Back to top Go down
View user profile
Nraug Huab Cua

avatar

Posts : 233
Points : 235
Reputation : 0
Join date : 2015-04-24

PostSubject: Re: Tham Dab Neeg(Sab Sij Huam) & Lwm Yam Experience Tau Nyeem Lom Zem.   Wed May 11, 2016 5:51 am

Tsov Los Nyas.


Xyoo 1995-96 ntawv peb nyob lub zos Banna kuv muaj 1 tug tij laug hu ua Caiv Yaj no, muaj 1 hnub lawv mus caum Npua Teb, lawv 1 txhia tso Dev raws Npua hos 1 txhia hos npaj mus tos kev. Kuv tij laug txawm mus tos kev, nws txawm mus zaum tos ntev loo tsis hnov suab Dev tsa npua ces yawg txawm zaum, yawg zaum zaum 1 pliag zoj yawg txawm hnov 1 tug khaub nrov nkuaj no tom nruab qaum tuaj, yawg tig loo mus saib no ua ciav tib tug txiv Tsov Txaij zees zaum caws pob vos li Dev zaum ntes taws ntsia ntsoov yawg xyov nws twb los zaum nws ntsia yawg thaum twg los lawm, yawg thiaj li tsa loo phom rau, niag Tsov tuam yas paj paws khiav, yawg lawg phom lawv qab, yawg mus saib no ua nws pom paj liab vog dua nrav lawm, yawg kuj tsis tau luag taug qab, 1 pliag lawv tsa tsis tau npua teb ces cov Dev los txog ntawm yawg, ces lawv thiaj tso Dev taug qab nas ho niag Tsov raug mob niag Tsov mus pw nram hav zog xwb ces Dev mus nrog niag Tsov sib tog, lawv thiaj nkag lawv qab mus loos 1 teg ntxiv ces niag Tsov thiaj tuag, lawv thiaj muab niag Tsov kwv los luas tawv sib faib.


Ua Tsaug.
Back to top Go down
View user profile
tubzoonraug

avatar

Posts : 479
Points : 547
Reputation : 0
Join date : 2015-03-10

PostSubject: Re: Tham Dab Neeg(Sab Sij Huam) & Lwm Yam Experience Tau Nyeem Lom Zem.   Wed May 11, 2016 8:22 pm

Nraug Huab Cua Koj cov  story nov ma txau ntshai thiab tiag, kuvmuaj  3 zaj thiab nawb, cia kuv khoom kuv mam li piav nawb, kuv li ma ntev tsawv laiv.  Kuv li ma yog kuv mus yos e dab ruam ruaj hem kuv xwb thiab dab mooj kuv ob zaug ho kuv tus ib tug mab lees tsws  kuv tua muaj 20 phom heej tsi raug li yim tua yim lo ze kuv ce kuv tsum lawm. 

Cia kuv muaj sij hawm kuv li lo ua tib zoo sau kom nej tau nyeem nawb. Kuv cov ma yog kuv ntag hov tsi yog piav luag tej yog kuvtus kheej ntsib kiag ntag.
Back to top Go down
View user profile
Nraug Huab Cua

avatar

Posts : 233
Points : 235
Reputation : 0
Join date : 2015-04-24

PostSubject: Re: Tham Dab Neeg(Sab Sij Huam) & Lwm Yam Experience Tau Nyeem Lom Zem.   Sun May 22, 2016 9:20 pm

Nyob zoo Nco Koj Tag Li,

Kuv lam nqa tuaj post rau ntawm no rau peb tau nyeem kill time ua si xwb os, ua li mas khoom no ho tuaj sau koj li experience rau peb tau nyeem lom zem thiab os.
Back to top Go down
View user profile
Nraug Huab Cua

avatar

Posts : 233
Points : 235
Reputation : 0
Join date : 2015-04-24

PostSubject: Re: Tham Dab Neeg(Sab Sij Huam) & Lwm Yam Experience Tau Nyeem Lom Zem.   Sun May 22, 2016 10:02 pm

Nthe Tsov Ntawm Ntug Kev

Thaj tsam xyoo 1993-4 ntawv peb nyob lub zos Banna, kuv muaj 1 tug yawm yij hmoob Vwj hu ua Txiab Neeb no, muaj 1 hnub tav caij li 5-6pm yuav tsaus ntuj ntawv yawg txawm mus tham hluas nkauj tim 1 lub zos hmoob hu ua Pam Hauv no, mus ntawm peb zos mus rau lub zos ntawv kuj tsis deb heev mus taw li 30min xwb txog lawm, txoj kev mas mus nce toj, mus txog li nrab ke nto roob ces ho tiaj tsawv nce yim yoog mus rau tim lawv zos lawm, thiab kuj muaj hav zoov loj tsawv nrog hav xyoob qeeg xyoob iab xyoob ntxhia sib xyaws pes daws, thaum yawg mus txog ntawm ntu kev tav uas muaj hav xyoob qeeg ntawv tab tom yuav luag tsaus ntuj, noog quaj nce chaw pw zom zaws, ntu kev ntawv mas yiag yiag, dhau plaws qhov yiag ntawv ces ho nkaus kiag lawm, thaum yawg txog puag nram no yawg ntsia pem ntu kev yiag uas yuav luag kawg pev yawg twb pom 1 pob thooj dub nciab nyob ntawm ntug kev, tab mas yawg kuj xav tias yog pob ntoos xwb, yawg txawm nrawm nroos mus txog ntawm qhov chaw ntawv ua cas thooj dub dub ntawv pawv lawm, yawg 1 ce xob vog 4 hau rov tag, yawg txawm hnov me nyuam noog daj quaj saub zom zaws nram qab ke tuaj, yawg saib loo mus nram qab ke li 2 dag nas ham ntuj aw tib tug txiv Tsov txaij nraug zees tab tom maj mam pliab lawv lua nyas nyas ntsia ntoov pab me nyuam noog daj ntawv, hos pab niag me nyuam noog daj ntawv los pheej ke quaj ke tsauj ncig niag Tsov ntawv thiab, niag Tsov pheej ntsia ntsoov pab noog ntawv xwb ces niag tsov tsis nco pom yawg, yawg tsis paub ua cas phom los tsis nqa, tsuas nqa tib lub thev, lub teeb nyem, thiab txoj phuam xwb, yawg cia li nthe 1 niag maum suab nrov nrov "Toig! koj ua dab tsi ntawm ko" no ces tsuas pom niag Tsov tib ncaws qia ploj ntais saum cov ntsis xyoob qeeg lawm xwb ces ntuj teb ntsiag moo to xyov nws dua nws tog ntuj twg li lawm, yawg ntshai tias tsam niag tsov ho lam rov los nyas yawg no ces yawg tso sas ntws ceev li ceev dua pem hmoob zos lawm aw. 



Kiag ntawm ntu kev ntawv, tau li 2-3 xyoos tom qab no kuv txawm ua kuv tij laug luag wb mus txiav qhab tse ntawm lub roob ntawv los hloov tsev, wb coj 1 niag txiv dev ua wb luag thiab wb nqa 1 rab nyuag phom Cua mus tau tua noog taug kev xwb, wb mus txiav txiav qhab tse tau ntau tsawv lawm ces wb txawm muab luag los tso 1 pawg, wb los zaum tws tawv pov tseg no, nyob nyob ua cas wb niag txiv dev pw ntawm wb 1 sab ntawv cia li quaj 1 suab 'awv' no nrov nrov thiab pos tw nthoob khiav sas lam ncig lees tuaj tom wb nruab qaum tom nyooj tom nyooj ntsia ntsoov tom ncauj ke, wb xam pes tsawg los tsis pom muaj dab tsi hlo li, kuv tij laug mas yeej muaj poj niam lawm ces nws kuj tsis nco ntshai, hos kuv mas tseem yog me nyuam yaus xwb ces ntshai heev li, kuv tij laug thiaj hu tias " leej twg, yog neej no tawm los, yog dab no ces tsum kiag khiav mus, wb tuaj txiav ntoo xwb wb tsis tau ua txhaum koj" no ces niag dev tom tom 2-3 suab ntxiv ces niag dev kuj tsum lawm, ntuj teb ntsiag moo to tsis pom dab tsi li ces wb kuj rov tws ntoo ntxiv, kuv xav mas tej zaum kuj yog niag Tsov ntawv los nyas xauj wb, tab sis Dev pom Dev hnov ntxhiab ces dev tom ces nws thiaj thim rov qab lawm los tsis paub?.


Kuj yog ntu kev no kiag thiab kuj rov yog kuv tij laug hais los sauv dua, nov mas ho ua ntej yij Txiab Neeb pom Tsov li 1-2 xyoos lawm, ntu ntawv kuv tij laug tsis tau yuav poj niam, nws tseem kawm ntawv ces nws tus hluas nkauj khiav mus yuav txiv lawm nws chim chim siab ces muaj 1 hmos nws txawm nqa 1 lub maj tem(hand grenade) ua nws luag mus tham hluas nkauj tim lub zos Pam Hauv no, nws mus txog ntawm ntu kev ntawv nws txawm pom muaj 1 pab niag npua teb coob tas zog ntsaj ig wg tom ntug kev los, nws thiaj thau luj tem los tuav ntawm tes npaj tos, pab niag npua teb los ncaj kiag xwb nws dua hlo luj tem yuj ntiag rau tawg nrov poog, pab niag npua teb mas dhia liab vog los hla kev, tseem muaj 1 niag dhia los muab yawg phoom ntawm kev ua yawg tsa taw hlo thiab, yawg sawv mus xauj nas has luj tem tawg raug npua teb ntshav liab vog khiav lawm xwb thab niam tuag, ces yawg cia li dhau mus tham hluas nkauj pem hmoob zos lawm, kuv txiv lawv nyob tim zos hnov luj tem tawg tim roob tuaj lawv xav tias tsam yog kuv tij laug tus hluas nkauj yuav txiv lawm es nws chim siab nws dua luj tem no, kuv txiv thiaj txib kuv 2 tug tij laug hlob caum qab tuaj mus nrhiav, mus txog tim hluas nkauj tsev nas has yawg kuj tsis ua cas yawg nyob tiv thiaj nug tias yog ua cas? yawg thiaj qhia tias yog yawg tuaj txog nram kev es yawg pom npua teb es yawg dua luj tem rau npua teb xwb. 


Ua Tsaug.


Last edited by Nraug Huab Cua on Fri Jun 03, 2016 8:27 pm; edited 3 times in total
Back to top Go down
View user profile
Nraug Huab Cua

avatar

Posts : 233
Points : 235
Reputation : 0
Join date : 2015-04-24

PostSubject: Re: Tham Dab Neeg(Sab Sij Huam) & Lwm Yam Experience Tau Nyeem Lom Zem.   Sun May 22, 2016 10:34 pm

Tsov Liab Caum Qab


Xyoo 2012 thaum lub 10 hli ntuj tom peb lub zos Banna, muaj 1 tug Vauv hmoob Yaj hu ua Ntxhw no, muaj 1 hmos nws txawm mus zov Mab noj txiv txoob, nws mus txog pem hav zoov nws ua ntej cas nws pheej hnov khaub nrov tom qab tuaj, nws tig ntsia nas has txawm pom 1 niag zoo li niag dev liab pliv ploj ntais, nws pheej ke mus ke hnov khaub nrov lawv qab nws tig ntsia tab pom liab pliv ploj ntais tas li, nws kuj xav tias nyaj yog nws niag maum Dev tim tsev nyiag caum nws qab tuaj xwb, vim thaum nws tuaj mas niag maum dev yeej caum nws tuaj txog tom ntug zos ces nws zuas pob a txawb niag maum dev tsis pub caum nws qab ces niag maum dev khiav rov qab lawm, nws txawm xav li ntawv ces nws kuj tsis quav ntsej thiab nws ho xav tias kav liam twb tuaj txog puag tim hav zoov lawm ces  tab txawm maum dev caum qab tuaj los nws caum nws, niag dab tsi uas pheej ua khaub nrov nrov caum nws qab ntawv yeej caum nws qab deb tsawv lawm yeej hla 2 -3 lub me nyuam roob & kwj ha lawm, tsis tau tsaus ntuj ces yawg txawm mus zaum zov nas, yawg txawm nkag mus zaum hauv 1 koog me nyuam khaub ntxov zog no, nyuam qhuav zaum tus zog xwb hnov khaub nrov tom yawg qub qab tuaj, yawg ntsia loo tim phab me nyuam ntav zag deb li 10m ntawv nas has pom tib tug niag dab tsi liab ploog, ko tw dub nciab maj mam nkag nkag ua tes taws sib nrhav tiv, yawg xav tias yog yawg niag maum dev no, yawg mam ua zoo ntsia nas has taub hau peev peev thawj hos ko tw dub dub ntev ntev pau leg hauv av, yawg thiaj xav zoj tias tsis yog yawg tus maum dev ho, ntshe yog Tsov Liab ntag lauj, nws nkag los tshuav deb li 5m ntawm yawg lawm xwb ces yawg thiaj nqa loo phom kej rau ntua nruab tsos tib phom nrov pag rau ua nws dhia paj paws yos nqis hav dua nrav lawm, yawg tswm tau phom yawg thiaj maj mam nkag mus xauj nas has tuag tib pob nrav, muab saib nas has yog tib tug txiv Tsov Liab, yawg thiaj muab ev los tsev coj los muag rau Nyab Laj tau 500,000LAK. 


Ua Tsaug.
Back to top Go down
View user profile
Nraug Huab Cua

avatar

Posts : 233
Points : 235
Reputation : 0
Join date : 2015-04-24

PostSubject: Re: Tham Dab Neeg(Sab Sij Huam) & Lwm Yam Experience Tau Nyeem Lom Zem.   Tue May 24, 2016 8:26 pm

Zaum no kuv ho sau 1 zaj dab neeg sib hlub rau peb tau nyeem ua si os Nkaujkabxi & Nco Koj Tag Li.
Back to top Go down
View user profile
Nraug Huab Cua

avatar

Posts : 233
Points : 235
Reputation : 0
Join date : 2015-04-24

PostSubject: Re: Tham Dab Neeg(Sab Sij Huam) & Lwm Yam Experience Tau Nyeem Lom Zem.   Tue May 24, 2016 9:02 pm

Wb Txoj Kev Hlub Tsis Muaj Hnub Tsuag.




September 1st yog thawj hnub qhib kev kawm ntawv ntawm txhua txhua lub xyoo. Xyoo no Nkaujkabnoog tau tuaj mus kawm txuas ntxiv rau qib siab High School uas yog xyoo 1 ntawm Nkaujkabnoog txoj kev kawm, vim ntawm Kabnoog lub nroog tsis muaj tsev kawm High School ces nws thiaj tau tuaj mus kawm ntawv nyob txuas rau High School ntawm lub tsev kawm hu ua Leem xaj, vim tsev kawm ntawv nyob deb tsev ces Kabnoog thiaj tau tuaj mus pw so rau ntawm 1 lub tsev.  Nyob rau ntawm lub tsev kawm ntawv no nws kuj muaj coob leej ntau tus tuaj kawm ntawv thiab so ua ke, tshwj xeeb mas kuj muaj Nraugtseemtshua tuaj so ua ke hauv no thiab, tag nrho lawv muaj 8 leej, 3 leeg me nyuam ntxhais hos 5 leeg me nyuam tub.


Sawv daws tau tuaj noj nyob ua ke sib hlub sib pab, muaj hlob muaj yau, muaj qab muaj tsuag los lawv sib faib noj raws tub ntxhais kawm ntawv txoj kev txom nyem, qee zaus lawv kuj sib pab mus txhom qav daus ntses, de kaus suab loj vag kaus pos raws tej kwj ha & ntug dej, qee zaus thaum tsis khoom lawv kuj ho sib sau nyiaj 1 leeg li 10,000LAK tej mus yuav zaub taj laj los ua tshais ua hmo.


Lawv nyob ua ke tsis ntev 1 xyoos kuj tau dhau mus, kev xeem ntawv xyoo 1 hauv high school kuj tau los txog, txhua leej txhua tus kuj xeem tau nce qib(nce hoob) raws siab xav, sawv daws xeem ntawv tiav nyias kuj rov mus nyias zej nyias zos nyias vaj nyias tsev mus nyob vacation pab niam pab txiv ua hauj lwm tom vaj tom tsev. 


To be continued ...


Last edited by Nraug Huab Cua on Wed Aug 31, 2016 4:29 am; edited 3 times in total
Back to top Go down
View user profile
tubzoonraug

avatar

Posts : 479
Points : 547
Reputation : 0
Join date : 2015-03-10

PostSubject: Re: Tham Dab Neeg(Sab Sij Huam) & Lwm Yam Experience Tau Nyeem Lom Zem.   Thu Jun 02, 2016 11:41 pm

Kwv Nrug Huab Cau,

Koj cov lus  dab neeg zoo kawg lios,  cia kuv muaj sij hawm kuv li ua tib zoo nyeem kom tag sib hos mus xau li ca.



 

 


Last edited by nco koj tag li on Sun Sep 03, 2017 8:22 pm; edited 1 time in total
Back to top Go down
View user profile
Nraug Huab Cua

avatar

Posts : 233
Points : 235
Reputation : 0
Join date : 2015-04-24

PostSubject: Re: Tham Dab Neeg(Sab Sij Huam) & Lwm Yam Experience Tau Nyeem Lom Zem.   Fri Jun 03, 2016 8:32 pm

Nyob zoo Nco Koj Tag Li, cia siab tias koj ua tij & tsev neeg yuav ntsib kev noj qab nyob zoo txhua tus. Aws ua li mas khoom thaum twg mam nyeem os. Koj 2 tug dancers ntawv mas dance tau haib kawg li yom hehe, zaj song los hu tau kho siab kawg li thiab.
Back to top Go down
View user profile
tubzoonraug

avatar

Posts : 479
Points : 547
Reputation : 0
Join date : 2015-03-10

PostSubject: Re: Tham Dab Neeg(Sab Sij Huam) & Lwm Yam Experience Tau Nyeem Lom Zem.   Tue Jun 07, 2016 9:06 pm

Nyob zoo ma Bro, tau ntev loo lawm thiab tiag ua tsitau ntsib koj lawm. Kuv tus kheej lo tseem nyob zoo thiab ma. Hai txog NkaujkabXi ce tej zaum lub forum nov tsi muaj neeg tuaj ce nws tsi tuaj xwb qhov nws tuaj heev ce yog thom Hmongaz xwb os.

Back to top Go down
View user profile
Nraug Huab Cua

avatar

Posts : 233
Points : 235
Reputation : 0
Join date : 2015-04-24

PostSubject: Re: Tham Dab Neeg(Sab Sij Huam) & Lwm Yam Experience Tau Nyeem Lom Zem.   Sun Jun 19, 2016 9:26 pm

Aws nyob zoo mas bro, ntev kawg lawm tsis tau sib ntsib lawm mas, li cas los tsuav s.d noj qab nyob zoo xwb yeej zoo kawg lawm mas. 
Aws tej zaum yog li ko ntag lauj hehehe.
Back to top Go down
View user profile
Nraug Huab Cua

avatar

Posts : 233
Points : 235
Reputation : 0
Join date : 2015-04-24

PostSubject: Re: Tham Dab Neeg(Sab Sij Huam) & Lwm Yam Experience Tau Nyeem Lom Zem.   Sun Jun 19, 2016 10:56 pm

Wb Txoj Kev Hlub Tsis Muaj Hnub Tsuag.


Sawv daws los nyob tau tsis ntev tsis muaj pes tsawg hnub pes tsawg hli xwb lub caij kawm ntawv twb rov tig los txog rov txog September dua lawm, tej tub ntxhais kawm ntawv tsis hais tus hlob tus yau npaj lub siab tsi ntsees rau nyias txoj kev kawm, txhua leej txhua tus tau khaub ncaws, khau, ntawv sau, thiab lwm yam cuab yeej kawm ntawv tshiab khwb khiv, hos hais txog li ntawm Tseemtshua ces kuj yog 1 txoj kev ntshaus siab vim niam txiv txom nyem ua neej tsis tshua xws luag ces tsis tau khoom tshiab xws luag tej, nws lam hnav lam siv cov qub xwb los tsis kav hauv nws lub siab kuj tsis muaj qhov yuav thim yuav chim yuav ntshaus rau nws txoj kev kawm, vim niam txiv ua neej tuaj qab tsag Tseemtshua thiaj rau siab ntso rau nws txoj kev kawm, nws lub hom phiaj & kev rau siab nws muab zais npog cia tuag nthi rau nws nruab siab tsis qhia leej twg paub, nws rau siab ntso kawm ntawv yam ntsiag to, dhau ntawv qee thaum nws pom nws tej phooj ywg tau noj qab hnav zoo nws lub kua muag kuj tau ntws sis nrog tawm los paug nws nplooj siab nplooj ntsws tas li, tab txawm li ntawv los nws yeej tsis cia lwm tus paub & pom, tsis tuaj yeem swb nws txoj kev kawm, nws lub hom phiaj & kev rau siab nws muab zias cia puag qab plawv, khaws cia puag nruab ntug. Hos nyob li ntawm Nkaujkabnoog ces nws yog thawj tswv zos 1 tug me ntxhais nrab, nws niam nws txiv ua neej tuaj qaum tsag me ntsis ces nws tsis tshua ntshaw luag lwm tus kev noj hnav pes tsawg.

Sep 1st , sawv daws rov tuaj sau npe kawm ntawv dua, txhua leej txhua tus rov tau tuaj nyob ua ke dua hauv lub tsev so qub. Xyoo no yog xyoo 2 ntawm txhua tus txoj kev kawm hauv High School lawm yog li sawv daws kuj muab siab rau txoj kev kawm dua qub, txhua tus nquag plias rau nyias txoj kev kawm tshwj xeeb mas yog Tseemtshua, nws yeej paub thiab pom txog tias nws thiab nws niam txiv lawv lub neej zoo li cas nws thiaj mob siab rau siab ntso rau nws txoj kev kawm, vim kev rau siab txhua lub hli hauv lawv lub tsev kawm ntawv High School no nws thiaj tau zeeg 1 tas li. Vim nws txoj kev kawm tau zoo thiaj ua rau txhua tus tub ntxhais kawm ntawv tsis hais hmoob los sis nplog thiaj ncawg nws heev, txhua zaus hauv lawv class room los sis lwm class muaj kev xeem ntawv examination lawv ua tsis tau mas lawv los thov nws pab mas muab nws vij ncig tag cuag npaum Hmoob ntsauv nyuj sib nraus, muaj qees zaus nws kuj tseem tau pab cov teachers qhia ntawv tib si.


Nyeem txuas ntxiv...
Back to top Go down
View user profile
tubzoonraug

avatar

Posts : 479
Points : 547
Reputation : 0
Join date : 2015-03-10

PostSubject: Re: Tham Dab Neeg(Sab Sij Huam) & Lwm Yam Experience Tau Nyeem Lom Zem.   Mon Jun 20, 2016 10:07 pm

Nraug Huab Cua

koj qhov  diary nov zoo kawg li os bro, kuv ce tseg ntev ntev kuv tsi sau li lawm e kuv twb sau tsi tsua raug tsu grammar li lawm. Txawm ntawv Latin txiv plig nov lo kuv sau yeej tsi tshua make sense li thiab tab si ma yus ho nyeem tau ce kuj lam sau sau lawm xwb.

Zoosiab rau koj cov  diary os.  Yog thaum koj sau txua ntxiv ce kuv limuab kuv qhov lus nov delete e koj cov  diary thiaj li continue  ua ke kom nws ntev ntev neeg thiaj li  nyiam nyeem.
Back to top Go down
View user profile
Nraug Huab Cua

avatar

Posts : 233
Points : 235
Reputation : 0
Join date : 2015-04-24

PostSubject: Re: Tham Dab Neeg(Sab Sij Huam) & Lwm Yam Experience Tau Nyeem Lom Zem.   Tue Jun 21, 2016 9:49 pm

Nyob zoo bro, kuv ces lam sau 6 3 tau nyeem ua si kill time xwb os, ua tsaug ntau koj ua tij cov lus txhawb dej siab os.  Kuv los 1 yam mas bro, tsam no zoo li sau ntawv tsis leej peem kiag li lawm thiab tiag, sau tag yus twb check several times los twb tseem tsis pom qhov error li thiab.

Kav liam mas bro, cia nws nyob nws mas, khoom mam tuaj sau ntxiv ov hehehe.
Back to top Go down
View user profile
tubzoonraug

avatar

Posts : 479
Points : 547
Reputation : 0
Join date : 2015-03-10

PostSubject: Re: Tham Dab Neeg(Sab Sij Huam) & Lwm Yam Experience Tau Nyeem Lom Zem.   Tue Jul 05, 2016 9:26 pm

Kwv Nraug Huab Cua,  zoo kawg kiag ma, yog sau tau ntau ma yeej zoo dua li tsi muaj dab tsi hlo li os. Kuv ce twb tsi muaj tswv8 sau dab tsi li thiab tiag.

Bro, kuv tsi paub koj mloog pau tau cov music os? kuv ce mloog tsi hnov dab tsi hli li lawm  kuv siv  internet explore mloog lo tsi hnov nws tsi play, ho siv  google chrome  lo  tsi play thiab tiag. Hov  firefox ce ho tsi pom  kab embed lawm nws pom zoo daim video lawm thiab no laiv.
Back to top Go down
View user profile
Nraug Huab Cua

avatar

Posts : 233
Points : 235
Reputation : 0
Join date : 2015-04-24

PostSubject: Re: Tham Dab Neeg(Sab Sij Huam) & Lwm Yam Experience Tau Nyeem Lom Zem.   Thu Jul 07, 2016 9:04 pm

Nyob zoo bro Nco Koj Tag Li, ua tsaug os lam sau rau peb tau read kill time xwb os, cia khoom mam tuaj sau ntxiv.


Bro koj qhov music saum toj sauv kuv mloog tsis tau li thiab os, click 6 los tsis play li hahaha.
Back to top Go down
View user profile
Nraug Huab Cua

avatar

Posts : 233
Points : 235
Reputation : 0
Join date : 2015-04-24

PostSubject: Re: Tham Dab Neeg(Sab Sij Huam) & Lwm Yam Experience Tau Nyeem Lom Zem.   Sun Jul 24, 2016 1:03 am

Cia kuv ho tham txog kev mus hunting quas peb tau nyeem tso, lwm hnub mam tuaj sau lwm yam ntxiv.


Nab Daj Noj Txiv Toov Laj


Xyoo 2014 dhau los no thaum lub 10 hli ntuj caij hlais nplej teb ntawv, nyob tom 3 lub qub zog Npaab Nas Xais(ບ້ານນາໄຊ), muaj 1 co ພະນັກງານ(Officers) tuaj nyob zov zej zog(ລົງພື້ນຖານ), muaj 1 hnub kuv tij laug txawm thov tau 2 tug Officers mus pab nws hlais nplej nram teb. Ib tsam hlais nplej tag kuv tij laug txawm coj 2 tug officers ntawv mus yos hav zoov zov Nas & Mab, 2 niag ntawv tsis tau luag ces 2 niag koom zov 1 tsob Txiv Toov Laj, hos kuv tij laug ces nws ho mus zov nws lwm tsob lawm. 
2 niag nplog Officers ntawv zov zov 1 tsam zoj li 8pm ntawv ua ciav txawm hnov ua Txiv Toov Laj poob rhij rhuaj los, 2 yawg xav tias ntshe yog Mab tuaj noj txiv lawm ntag, 2 yawg kab teeb rau nas has tsis pom txais qhov muag li tab sis pheej ua txiv poob tas zog los xwb, 2 yawg kab mus kab los ua cas pom 1 niag Nab Daj luaj nkaus qaum hauv caug khaub zig saum res Txiv Toov Laj, 2 yawg ntsia mus ntsia los 2 yawg thiaj xuas phom rau ua nws niag Nab ntawv poob nrov poog los. 1 tsam kuv tij laug los txog nws nug nkawv no nkawv thiaj qhia tias yog tua Nab xwb, lawv muab niag Nab Daj ntawv kwv los txog tom tsev teb mam muab phais tseev noj nas has ua cas hauv plab mas muaj Txiv Toov Laj ntau tsis ntau li, thaum no sawv daws thiaj mam paub tias Nab Daj kuj xis noj Txiv Toov Laj thiab.


Ua Tsaug.
Back to top Go down
View user profile
NkaujKabXi

avatar

Posts : 461
Points : 467
Reputation : 0
Join date : 2015-03-22

PostSubject: Re: Tham Dab Neeg(Sab Sij Huam) & Lwm Yam Experience Tau Nyeem Lom Zem.   Thu Jul 28, 2016 1:21 am

NraugHuabCua thiab NcoKojTasLi ...
Zoo siab ntsib neb 2 leeg rau ntawm no os mog cas yuav tham tau lom zem thiab ho txaus ntshai ua luaj haha tsis tau hnov dua nab noj txiv too laj thiab ov .Yog li txaus ntshai kawg nawb .Vim nab mus kev tsis nrov ces nab twb nkag tuaj saum ntoo los yus twb tsis hnov mas yom.Thaum hnov txiv poob mam paub xwb yom yog nab ce li los ua hauj lwm rau yus ces mag kiag twb tsis hnov yom NN

Es koj puas tau nrog lawv noj nab thiab na lov? ntshe tus nab ntawv tseem tau nqaij ntau dua li mab pob los nab yuav ua cas muab ua li cas noj na lov niag rhiab neeg ua luaj li ne?hahahaNN koj tham tau dab neeg zoo mloog kawg li thiab zoo siab tau nyeem koj tej dab neeg saum ub ua ntu zus los nawb kav tsij tuaj hais dua nkaujkabxi nyiam mloog ntxiv thiab os  lov NN......
Back to top Go down
View user profile
tubzoonraug

avatar

Posts : 479
Points : 547
Reputation : 0
Join date : 2015-03-10

PostSubject: Re: Tham Dab Neeg(Sab Sij Huam) & Lwm Yam Experience Tau Nyeem Lom Zem.   Thu Jul 28, 2016 8:48 pm

Nyob zoo hnub tshiab rau neb 2 leeg os.

Ntev kawg li e tsi tau ntsib neb li lawm os. Xav hai tias neb yuav nyob zoo thiab lom zem xauv bo raws li lub luag qoob luag loos os.

Kuv tus kheej ce niaj hnub mus ua zog xwb ma. lub 8 hli tim 15 nov ce tsev kawm ntawv yuav rov qhia kawm ntawv ce kuv busy lawm thiab tiag.
Back to top Go down
View user profile
Nraug Huab Cua

avatar

Posts : 233
Points : 235
Reputation : 0
Join date : 2015-04-24

PostSubject: Re: Tham Dab Neeg(Sab Sij Huam) & Lwm Yam Experience Tau Nyeem Lom Zem.   Mon Aug 01, 2016 3:39 am

NkaujKabXi wrote:
NraugHuabCua thiab NcoKojTasLi ...
Zoo siab ntsib neb 2 leeg rau ntawm no os mog cas yuav tham tau lom zem thiab ho txaus ntshai ua luaj haha tsis tau hnov dua nab noj txiv too laj thiab ov .Yog li txaus ntshai kawg nawb .Vim nab mus kev tsis nrov ces nab twb nkag tuaj saum ntoo los yus twb tsis hnov mas yom.Thaum hnov txiv poob mam paub xwb yom yog nab ce li los ua hauj lwm rau yus ces mag kiag twb tsis hnov yom NN

Es koj puas tau nrog lawv noj nab thiab na lov? ntshe tus nab ntawv tseem tau nqaij ntau dua li mab pob los nab yuav ua cas muab ua li cas noj na lov niag rhiab neeg ua luaj li ne?hahahaNN koj tham tau dab neeg zoo mloog kawg li thiab zoo siab tau nyeem koj tej dab neeg saum ub ua ntu zus los nawb kav tsij tuaj hais dua nkaujkabxi nyiam mloog ntxiv thiab os  lov NN......
Nyob zoo os Nkaujkabxi, zoo siab rov ntsib koj dua. Ntev kawg mam rov tau sib ntsib ua li koj puas tseem noj qab nyob zoo thiab na los?  Yog muaj koj tuaj nrog wb tham thiab mas yuav lom zeem heev tiag Nkaujkabxi.



Haha yog kawg mas Nkaujkabxi, kuv los yeej tsis tau hnov tsis tau pom dua Nab Daj noj Txiv Toov Laj li thiab tiag, nyuam qhuav hnov zaum ntawv thiab xwb, nws kuj yog 1 qho txawv kawg thiab, tham mas cuag dag tsis txaus ntseeg kiag hahaha tab sis kuv tij laug & 2 tug nplog ntawv yeej guarantee tias muaj tseeb tsis dag no hehehe. Yog kawg mas Nkaujkabxi, txhua yam Nab mas yog thaum nws maj mam tuaj lawm yus yeej tsis hnov kiag li os. Peb muaj 1 tug dab laug hu ua Vam Xyooj Yaj no, muaj 1 zaug yawg mus hunting, yawg pw pw txog tag hmo ua cas pheej hnov txias txias nruab qaum, mam cev tes xuas na has yog tib tug Nab luaj caj npab los pw ntawm yawg 1 sab, yawg ceeb yawg qw tib suab nrov tsis nrov, yawg mam xuas tau teeb los tsom na has niag Nab twb khiav lawm.


Nkaujkabxi, qhia ncaj qha kuv tau noj Nab 3 zaug lawm os: 
1. thaum kuv tseem me muaj hnub nyoog 8 xyoo ntawv tom 3 qub zos Ban Na, muaj 2 tug teachers nplog tuaj qhia ntawv 2 yawg mus ntes tau 1 tug nab los yog hom Nab nplog hu ua ງູສິນ no, nws zoo muaj ntsis thooj li tus Cobra ntag, tab sis tsis dub, tsis muaj taug xwb. nkawv muab ncu tau zoo zoo nkawv dag kuv & kuv 1 tug tij laug tias yog Ntses Nab kom wb mus nrog nkawv noj, wb tsis paub wb kuj mus noj kuj qab kawg thiab, hom nab no nqaij ua ntshiv dawb paug cuag hauv siab qaib.
2. Tom qab ntawv li 1 xyoos ntxiv, muaj 1 pab thab ham mus tua tau 1 tug Nab Daj los ncu noj hauv 3 zos, kuv mus saib kuv tij laug ncaws pob tawb no lawv noj zom zaws kuv tij laug coj kuv mus noj, kuv mus khaws tau 1 daim los noj kuv tsis xis vim muaj ntsis tsw ntxhiab.
3. Xyoo 2005 kuv thiab kuv 2 tug tij laug 3 mus kawm ntawv college ces 3 mus ua tau 1 lub me nyuam tsev npuab 1 yim kwv tij 1 sab qiv nws av nyob so kawm ntawv, muaj 1 hnub 3 mus kawm ntawv lawm 1 tsam tsaus ntuj 3 lawb ntawv los ua ciav muaj 1 tug nab liab caj dab los pw ntawm ntug cub, kuv tij laug xuas qws 6 tuag, yawg rauv taws tsuag tsuag ciaj yawg muab plhov kiag tau yawg muab phais txhiab kiag ntawm ntug cub nkig nkuav yawg dam loo 3 leeg ya tias kom noj, kuv tias why? yawg tias noj li no thiaj tsis muaj teeb meem, lwm zaus nws thiaj tsis los ntxiv lawm, 3 cia li muab cua noj tag lol lol it was so funny li os Nkaujkabxi aw.
Back to top Go down
View user profile
Nraug Huab Cua

avatar

Posts : 233
Points : 235
Reputation : 0
Join date : 2015-04-24

PostSubject: Re: Tham Dab Neeg(Sab Sij Huam) & Lwm Yam Experience Tau Nyeem Lom Zem.   Mon Aug 01, 2016 3:49 am

nco koj tag li wrote:
Nyob zoo hnub tshiab rau neb 2 leeg os.

Ntev kawg li e tsi tau ntsib neb li lawm os.  Xav hai tias neb yuav nyob zoo thiab lom zem xauv bo raws li lub luag qoob luag loos os.

Kuv tus kheej ce niaj hnub mus ua zog xwb ma.  lub 8 hli tim 15 nov ce tsev kawm ntawv yuav rov qhia kawm ntawv ce kuv busy lawm thiab tiag.

Nyob zoo koj thiab bro, kuv kuj tseem noj qab nyob zoo li qub thiab os, kev lom zem mas tej zaum yuav tsis cuag sab tim nej ko tab mas kuj ok thiab mas bro.


1 yam xwb os bro aw, kuv los ham tsis niaj hnub khaws khib nyiab thiab xwb las as hahahaha, koj mas tseem muaj vacation so 3 hlis for free payment hos kuv ces tsis tau so li os. 
Back to top Go down
View user profile
Nraug Huab Cua

avatar

Posts : 233
Points : 235
Reputation : 0
Join date : 2015-04-24

PostSubject: Re: Tham Dab Neeg(Sab Sij Huam) & Lwm Yam Experience Tau Nyeem Lom Zem.   Fri Aug 05, 2016 1:40 am

Wb Txoj Kev Hlub Tsis Muaj Hnub Tsuag


Muaj 1 hnub hauv school muaj kev xeem ntawv(examination), txhua leej txhua tus kuj ua tau thiab xa tag mus rau cov xib fwb, tag sij hawm xeem ntawv hnub ntawv sawv daws lawb ntawv los tsev zom zaws, thaum los txog tom tsev so ua cas Tseemtshua pom Kabnoog quaj quaj pos muag nti zaum ib pob nyo hau nyes ntawm taw txaj, Tseemtshua thiaj nkag mus nug tias: “ua cas koj ho quaj na Kabnoog?, Kabnoog tsis teb li, tsuas tab quaj pos muag tas zog xwb, Tseemtshua thiaj mam rov nug dua tias: “qhia kuv seb koj quaj dab tsi na has?” Kabnoog kuj tsis tsa hau los ntsia Tseemtshua li, nws thiaj mam teb tug nyo hau nyes tuaj tias: “qhia koj los koj yeej pab tsis tau li os”, Tseemtshua thiaj hais tias: “ txhob hais li ko ma, txawm pab tsis tau los koj yuav tsum tau qhia los seb yog vim li cas koj thiaj quaj?” Kabnoog thiaj li mam tsa hau los ntsia Tseemtshua thiab teb tug niag suab quaj dhi tias: “twb yog puam ta peb xeem ntawv(examination) kuv ua tsis tau es tsis tau xa li, tag sij hawm nej xa tag tshuav kuv ua tsis tau es tsis tau xa”, Tseemtshua thiaj teb tias: “yog li ko no txhob quaj lawm, kav tsij so kua muag sawv los kuv mam pab koj xav seb yuav ua cas?”, Kabnoog teb tias: “xav tsis xav los tsam no lig dhau lawm ua tsis tau li cas li lawm kawg zaum quaj li no tas zog kom kua muag tag ces tsum lawm xwb”, Tseemtshua teb tias: “zaum quaj li ko yeej pab tsis tau dab tsi, kav tsij so kua muag es txhob quaj lawm, cia li so kua muag tam sim no kuv mam coj koj mus thov tus xib fwb uas yuav check peb li examination ntawv seb nws puas kam, yog kam no kuv mam pab thov kom nws muab chance 1 zaug ntxiv rau koj ua dua” .
Qhov Vib Xas(subject) uas Kabnoog ua tsis tau ntawv yog Vib Xas Lej(mathematics), Tseemtshua thiaj hais tias: “tsuag tsuag kav tsij muab ntawv muab xaum los kuv qhia koj keb peb qhov Examination puam ta kom koj paub tso wb mam mus ntsib xib fwb”. Tseemtshua thiaj qhia Kabnoog keb cov lej ntawv tsuag tsuag tag, Kabnoog thiaj nrog Tseemtshua mus tim tus teacher ntawv tsev, nkawv mus txog Tseemtshua thiaj tsa ncauj thov tus teacher ntawv tias: “ puam ta peb xeem ntawv tom school Kabnoog ua tsis tau es xa tsis ncav sij hawm nws tsis tau xa, nws los txog tsev nws los zaum quaj pos muag nti xwb yog li kuv thiaj coj nws tuaj thov koj tus ua xib fwb muab fwv tsam rau nws dua 1 zaug cia nws keb cov lej puam ta ntawv dua puas tau?”, xib fwb xav xav xib fwb thiaj teb tias: “raws txoj cai hauv peb tsev kawm ntawv mas yog tag sij hawm koj tsis xa koj daim ntawv xeem ces tsis tau lawm, tab sis kuv pom tias koj yog 1 tug tub kawm ntawv zoo, qee thaum koj tau pab peb cov xib fwb lawm kuv mam muab chance rau  nws tau keb dua, tab sis kuv tsuas muab sij hawm li 1 nrab puam ta peb xeem tom school lawm xwb seb nws puas ua tau?”, Tseemtshua thiaj teb tias: “li ntawv los tau kawg xib fwb, zoo dua qhov nws ua tsis tau es tsis tau xa”, ces tus xib fwb thiaj muab chance rau Kabnoog tau keb dua, puam ta tom school mas yog siv sij hawm 1 hour, tab sis zaum no xib fwb tsuas muab li 30mins lawm xwb, Kabnoog thiaj keb ua tsuag tsuag raws nraim li Tseemtshua qhia, puv nkaus 30mins xwb Kabnoog kuj keb tag nrho cov lej ntawv lawm thiab, nkawv muab cev rau xib fwb thiab ua xib fwb tsaug tag ces nkawv rov los tsev lawm.
Nkawv los txog tsev cov phooj ywg ntawv nyias mus nyias hauj lwm tag lawm, tus yuav mus ywg zaub los muaj, tus yuav mus nrhiav noj de kaus suab txhom ntses los muaj. Kabnoog thiaj tuav nkaus Tseemtshua tes thiab quaj ua kua muag teev yees tias: “kuv zoo siab thiab ua koj tsaug tshaj plaws, tsis pom qab yuav hais li cas rau koj & yuav pauj koj tus txiaj ntsim li cas thiaj tsim nyog qhov uas koj pab tau kuv zaum no”
Tseemtshua teb tias: “tsis ua tsaug dab tsi li os, peb ua phooj ywg kawm ntawv ua ke, tuaj nyob ua ke deb niam deb txiv lawm yuav tau sib hlub sib pab li no thiaj li, kuv tsuas ntshai kuv pab tsis tau xwb, yog pab tau zoo li tej thaum no ces yeej txaus siab pab tsis hais koj los yog lwm tus”
Nkawv sib tham kev ua tsaug & kev zoo siab tag, nkawv thiaj lawv qab mus pab cov phooj ywg ywg zaub nram vaj ntug dej lawm.

Tau 2 hnub tom qab Kabnoog thiaj mam qhia rau Tseemtshua tias nws qhov lej hnub ntawv xib fwb muab score 6 rau nws xwb(kev xeem ntawv hauv Laos thaum tseem kawm nyob High School rov hauv kev muab score yog 0-10), nws yeej ua raug tag lawm tab sis dhau sij hawm lawm ces muab 6 xwb. Tseemtshua kuj hais rau kab noog tias: “pab koj zoo siab ntau uas tus xib fwb kam muab score 6 rau koj mas, nws zoo dua koj tsis tau xa ces xib fwb yuav muab 0 rau koj”  


To be continued ...
Back to top Go down
View user profile
tubzoonraug

avatar

Posts : 479
Points : 547
Reputation : 0
Join date : 2015-03-10

PostSubject: Re: Tham Dab Neeg(Sab Sij Huam) & Lwm Yam Experience Tau Nyeem Lom Zem.   Sun Aug 07, 2016 6:25 pm

Nraug Huab Cua,  ua koj tsaug koj tseem sau tau ib zaj neej neeg yog lus ruag zoo kawg li thiab os.

Tej kev hai dab neeg nov ma,  nws kuj txau ntshai kawg li thiab tiag. Cia kuv siv sij hawm hai kuv qhov  kev  (ຜີຍອດຫວາຍ) hem kuv rau xyoo 79 ntawd.

ຜີຍອດຫວາຍ Dab Kav Theej.

xyoo 1979  nyob rau lub zos  Phou Khau Khoie ( zo roob Kub Twm)  kuv yawm yij thiab cov neej tsa Hmoob Vwj mus luaj ib daim teb nyob rau puag nram tab yaj,  twb tau ib xyoo qub teb lawm twb tsi muaj leej twg mus hauv cov qub teb li lawm, muaj ib hnub tab tom li 1 moos tav sus, txawm pom ib tug niam tij Hmoob yaj txawm hla plaws lo rau ntawm kuv xub ntiag ce kuv saib tsi tseeb thiab,  nws txawm hai rau kuv hai tias, Txiv Ntxawg? "bloos thiab  tsaug ma noj qos ntoos tom nej cov qub teb  heev li yog koj  nquag koj mus sov?",  nws hai li rau kuv ce kuv txawm teb rau nws hai tias "aw ua li ma niam tij".

Thaum tus niam tij no hai li rau kuv ce kuv txawm baj kuv lub pob twb qhov muag thiab kuv yawm yij rab phom luj av.  ປີໍນລຸກອັດ Phom suab plav. ce kuv tus khoom txij ce kuv txawm mus lawm ntag, thaum kuv mus txog rau ntawm kuv yawm yij wb daim qub teb  kuv muab kuv lub pob tawv qhov muag tso rau saum lub tshab,  ce kuv txawm nqi mus rau puag nram kwj ha,  mus txog nram no ua li ca  bloo  khawb qos tshiab khiv xwb,  ce kuv txawm zoo siab heev lawm ntag kuv xav zoj hauv kuv lub siab hai tias, hmo nov lau kuv yuav tau tua bloo  ntag2.

Kuv txawm mus zov kiag lawm ntag tab si lub niag hli tseem nyob haum npoo =(boos) roob tsi tau ploj ce kuv  tos ib pliag lub hli ploj ntawm cov ntsi ntoo ce bloo yuav tawm tuaj no laiv, ua li ca txawm cia li  hnov cua hlob hiv ntws lawm lau,  kuv txawm xav kiag hai tias, ua li ca e  cua txawm hlob li nov ne  yog hlob li nov ce ntshe bloo  yuav tsi tawm pob, kuv  xav li nov rau hauv kuv lub siab xwb ce txawm hnov kiag ib lub  suab quaj xiv laws li cov lau nraj dawb pem luag teb deb tsawv li 400 feet tuaj lawm ntag laiv.

Ce kuv txawm xav zoj hai tias ua li ca e lub suab quaj ntawd txawv ua luaj li lau,  ce tib pliag li 1 minute xwb ce txawm cia li ua mab  tsib tog quaj cuag miv sib tog lawm,  tsi ntev ntawd ce txawm hnov kiag lub suab quaj li dai quaj cuag dab tsi ntawm kuv  tsi deb li 300 feej tuaj lawm xwb ce kuv txawm ntshai lawm ntag vim kuv yeej paub hai tias yog tus  dab kav theej lawm  ce kuv kuj tsi ntshai thiab kuv txawm hai lus hai tias,  nyia nrhiav nyia noj nawb, ib leeg tsi txhob ua phem rau ib leeg nawb. Kuv hai nrov heev li ntawd lawm ce kuv lub taub hau  ma loj loj txia dej tag lawm ce kuv  cia li sawv tsee  nce toj lo txog kiag ntawm kuv lub pob tawb ce kuv  hla kiag kuv yawm yij wb daim teb lo tawm plaws rau saum hav nra ce pom kev dawb paub li qaim hli lawm ce lub suab quaj ma yeej ua kwj hav ntxhe ntws  tab si kuv ua tug tsi hnov  kiag li lawm.

Kuv  lo txog tsev kuv niam thiab kuv yawm Yij lawv tseem tab tom noj hmo xwb ce lawv hnug kuv hai tias,  Dab Laug ua li ca  koj ho lo lawm e pua muaj dab tsi? kuv teb hai tias dab tsi hem kuv e kuv khiav lo lawm xwb. Thaum kuv lo txog tsev lo kuv yeej tsi xav txog dab tsi lo txog kiag rau tam siv nov twb muaj 36  xyoo nov kuv mam li rov qab xav txog hai tias.

Tus niam tij Hmoob Yaj hai kuv ntawd tsi yog niam tij nws yog tus dab kav theej xwb,  vim hai tias tus niam tij nov twb tsi tau mus  rau peb cov teb ib zaug thiab lawv twb tsi ua teb rau qhov ntawd. Tom qab nov kuv li xav tau ce twb tau 36 xyoo lawm  vim cov tsiajntawd yeej  ua kom yus txhob hai tawm thiab yeej tsi tham rau leej twg kiag li.

Kuv txoj kev mus yos ib leeg thaum kuv tseem hlua hlua ce kuv tau ntsib ntau yam dab hem kuv nawb, qhov nov ma tseem yog ib qhov xwb tseem tshuav ntau qhov  kuv tseem tsi tau piav. Cia muaj sij hawm zoo mam li rov piav dua .


Last edited by nco koj tag li on Sun Sep 03, 2017 8:29 pm; edited 2 times in total
Back to top Go down
View user profile
Sponsored content




PostSubject: Re: Tham Dab Neeg(Sab Sij Huam) & Lwm Yam Experience Tau Nyeem Lom Zem.   

Back to top Go down
 
Tham Dab Neeg(Sab Sij Huam) & Lwm Yam Experience Tau Nyeem Lom Zem.
View previous topic View next topic Back to top 
Page 1 of 2Go to page : 1, 2  Next

Permissions in this forum:You can reply to topics in this forum
 :: Hmong GVP forum :: Hmong Culture - Hmoob Teej Tug-
Post new topic   Reply to topicJump to: